السويت بميرندا او فانتا جميلة

2_حله
3_نص لتر فانتا او ميراندا (انا عملتها بميراندا ونجحت برضو )
4_ ربع كيلو سكر
5_ معيار مدرج علشان تعرفي تعايري الميرندا او الفانتا والسكر
علشان انا معرفش المعيار بالكوب انا عملته بالمعيار
بالمعيار 500 جرام ميراندا او فانتا
و250 جرام سكر
6_ تكوني مصحصحه اوي علشان متتحرقش منك
يلا نبدء الطريقه بالصور
بسم الله
اول حاجه هتحطي الحله وتضيفي ال 500 جرام ميراندا و250 سكر
زي الصوره كده والنار تكون عين متوسطه والنار علي الهادي

بعده كده هتقلبيهم 5 دقايق هتلاقي ابتدت تغلي علي خفيف كده

الغليان هيبتدي يزيد شويه في شويه
وانتي تقلبي كل 5 دقايق

يزيد اكتر


يزيد اكتر وخدي بالك علشان منك تتحرق في ثانيه في الاواخر

المهم هو ده اللون واللحظه اللي تطفي فيها
لما تشوفي الشكل والغليان عامل كده
وتطلعيها بالمعلقه تلاقيها زي العسل كده سايحه زيه
صاحبه الوصفه اللي شوفت موضوعها قالت انها بتعملها في 55 دقيقه
وانا للاسف عملتها في 50 وقبل ما اكملهم شايفين الصوره كانت حلوه ازاي
علشان كنت بصور ليكم الشرح وشكلها بالتفصيل يادوب صورت الصوره دي وبمسك الموبايل بحطه علي جنب
دورت وشي
لقيتها اتحرقت بالمنظر ده

المهم قولت كله يهون علشان الذل بتاع السويت البايظه اللي الواحد بيشتريها عالفاضي
وعلشان عيون الفتوكات علشان انزل ليهم الموضوع
قررت اعملها تاني
بس المرادي فضلت واقفه ادامها
وحرصت جدا ان لونها بيكون عسلي وحلو كده وفي ثانيه بيقلب للون العسل الاسود كده معاناها انها اتحرقت
خدو بالكم
المهم عملتها المرادي في 45 دقيقه بس
ونجحت التجربه ومصدقتش
اول متلاقيها زي الصور دي كده

بتطفي النار
وتسبيها تهدي ربع ساعه كده
ده شكلها لما تهدي

بعد كده بتجيبي حله او طبق وعليها كيس سميك
وهي هتكون بردت شويه المفروض علشان متسيحش الكيس
وتبتدي تصبيها كده

شايفين الجمال عاوزه تتاكل اكل
واتفرجو بئه لما بردت شويه الجمال ازاي



المهم مكنتش مصدقه
لاني اصلا معرفش اعمل الحلاوه العاديه اللي بالسكر والليمون حتي
قولت مش هطمن ولا انزل الموضوع غير لما جربها
وجربتهاااااااااااااااااااا
انا مبقتش مصدقه
بجد مش مصدقه اولا بتمسك جدا جدا جدا فالشعر لابعد الحدود
وجميله جدا
يعني تعملي الجزء في مره واحده هيشيل مش محتاجه تعيدي تاني عليه
ولا هتلاقي شعر صغير
منقول