عجينة البيتزا من الشيف يسرى

اولا عجينة البيتزا الايطالى : نص كيلو دقيق - نص ملعقة سكر - ملعقة صغيرة ملح - ملعقة كبيرة خميرة - ماء دافىء للعجن
نقلب كل المقادير الجافة مع بعضها كويس وننزل عليهم شوية شوية بالماية لحد لما العجينة تلم معاكى وتتعجن كويس
وما تلزقش فى الطبق اللى بتعجنى فية وبعدين نسيبها تخمر وبعد كدة نقطعها ونشكلها
ثانيا عجينة البيتزا الايطالى الكرسبى : نفس المقادير اللى فات + نص كوب زيت زيتون
نقلب كل المواد الجافة وبعدين ننزل عليهم بنص كوب الزيت ونكمل العجن بالماية الدافية بنفس الطريقة الاولى
ثالثا : عجينة البيتزا الايطالى الاسبونش او الطرية :نفس المقادير + كوب زبادى
نفس الطريقة طبعا نقلب كل المقادير الجافة وبعدين علبة الزبادى وبعدين نكمل بالماية الدافية
بعد ماتخمر نقطعها ونسيبها ترتاح شوية علشان تكون سهلة فى الفرد بعد ماترتاح نفردها بالنشابة ونضعها فى صينية مدهونة بزيت زيتون ونضع عليها الصوص واى حاجة انتى تحبى تعملى بها وعلى الوش الجبنة طبعا ونسيبها ترتاح كمان حوالى عشر دقايق وبعدين ندخلها الفرن على درجة حرارة 200على الرف الاوسط لمدة من 10 : 15 دقيقة وطبعا تكونى مولعة الفرن من قبلها ونشغل الشواية فالاخر لمدة دقيقة او اتنين بس وبالهنا والشفا