انا شفت رؤيا اتكررت كتير اولا انا كنت ماشية مع اتنين من صحابى الانتيم مروة واسلام كنت ماشيه حفية كنا ريحين للكلية وطلعين زى مزلقان كبير جدا ومش لقين عربيات تخدنا للكلية وبعد فترة من المشى على المزلقان قابلنا عربية بس كانت شيله اسياخ حديد رايحة للكلية ولسه رايحين نركب راحت سحبه بعيد عننا شوية وبعدين مشيت خالص وكملنا مشينا وبعد فترة قابلنا عربية ملاكى زجاجها مكسر بس مشيه والسواق لابس قميص وكرافته وصاحبه بيحاول يركب معاه وبعدين العربية دى اتقلبت وانفجرت والسواق مات وصاحبه نط بعيد عن العربية المهم كملنا مشينا لحد ما وصلنا فوق المزلقان وبرده مش لقين مواصلات تودينا الكليه ورحنا زى الموقف نسال العربيات اللى وقفه مش لقين ولا واحده رايحه الكلية وبعد فترة من الوقفه لقينا زفه من الشباب بيطبلوا وكده يعنى ويشربوا سجاير فيها حشيش وصاحبتى اسلام بيتحمينا انا ومروة وبتزقنا على الحيطة عشان محدش يخبطنا والمهم مشينا فى شارع طويل رجعين على البيت وانا بقولهم انا هرجع الثانوية العامة وخلاص واحاول اذاكر حلو وخلاص ومروة قالت لا انا هرجع المصنع اللى شغاله فيه ومش هذاكر تانى واسلام قالت لا انا مش هرجع المدرسة تانى دول بيضحكوا علينا
دى كان رؤيتى كانت قبل الفجر ياريت اللى تعرف تفسيره ربنا يوفقها وتقولى عليه لانى محتارة بقالى كذه يوم بشوفها وخصوصا انى ببقى ماشية فى الحلم حفية من غير شبشب