كيف حالكم جميعا
الأدوات
بالون << تفيخه
غراء خشب
خيوط صوفيه
جليتر (( لمعه ))
غراء عادي
الطريزه
اتفخي التفيخه << صارت اغنيه
حطي البلونه على كوب او علبه او اي شي بس عشان يثبت
اختاري خيط الصوف اللي يعجبك
قصي الخيوط بأطوال متساويه مثلا 30 سم
ثم في صحن اخلطي غراء الخشب مع شوي مويه
و غمسي كل خيط لحاله في الغراء
ثم اعصري الغراء من كل خيط شوي بس
اتركي الخيوط تجف شوي على لوح بلاستيكي (بضع دقائق بس ) ولا تخلينها تجف بشكل كامل ثم ماتقدرين تتحكمين فيها
لفي الخيوط بطريقه عشوائيه على التفيخه مثل الصور بالزبط
ثم اتركيه مره يجف
افقعي البلونه وطلعي منها الهواء بس بشويش
اذا نسمت طلعي البلونه برضوا بشويش
نحط غراء عادي على الكوره وندحرجها على الجليتير
وتطلع النتيجه النهائيه كذا <<< عندي بدون جليتر احلى
ان شاء الله تعجبكم وتستفيدون منها