رجيم مش هتحسي بيه

احيانا بنبئى نفسنا ننزل الوزن وكل ما نبدأ نكسل تانى ونتعب ونزهئ
وجداول الريجيم عايزة الالتزام باكل معين ممكن نكسل عليه
هاقولكم على حاجات بسيطة نعملها تساعدنا على الثبات وعدم التراجع
1-ممكن تبدأى بصيام 3 ايام متتالية هيعودوكى على الصبر عالجوع
وخليهم بنية ابتهال الى الله كى يعينك على الريجيم وتوصلى لجسم رشيق صحى
بس عالفطار تشربى سوائل الاول (ميه ساقعة وشوربة منزوعة الدسم )بلاش عصير عشان السكر ممكن تاخدى ثمرة فاكهة بس وبعد نص ساعة تعملى طبق واحد تحطى فيه اكلك اللى هتاكليه
وتكترى السلطة جواه وبعد 3 ساعات تاخدى وجبة تانية عالية الحرق زى الجبنة القريش والزبادى
ومتنسيش الخس والخيار والجزروالفلفل الرومى ممتازين بالليل
وبلاش عيش بالليل ولو ضرورى يبئى نص رغيف طبعا فى الاول
ولو حطيتى فى دماغك انك بتحييى سنة رسولنا الحبيب ص لما قال لنا ثلث للطعام وثلث للشراب وثلث للنفس ربنا هيبارك لك ويعينك ونفسيتك هتبئى مرتفعة
2-بعد 3 ايام ابداى يومك بشرب 2 كوب ماء ساقع هيخلى المعدة تبذل مجهود وتفقد سعرات ودهون
عشان تدفى الميه وتبئى فى درجة حرارة الجسم الداخلية قبل ما تروح الامعاء
4- بعد الماء بشوية ممكن تشربى شاى او شاى بلبن او نيسكافيه او قهوة بسكر قليل او دايت سويت
هتسد نفسك ولان معدتك متعودة عالصيام فى الوقت ده مش هتاكلى كتيربس متكتريش من المشروبات دى عشان الانيميا استبدليهم بشاى اخضر
وبعد شوية خدى وجبات صغيرة على مدار اليوم
5-ابتدى بانك تقسمى اكللك نصين يعنى تاكلى بس نصف اللى كنتى بتاكليه الاول من اكلك العادى
يعنى لو بتاكلى فى الوجبة رغيف خليه نص ولو طبق رز خليه نص طبق
وبلاش الجمع بين العيش والرز او المكرونة فى نفس الوجبة
6-لو معدتك كبيرة ومشبعتيش من الكميه دى استغلى ده فى اكل السلطة والخضار السوتيه
او حتى الطبيخ بدون دهون
7-لو كسلانة تعملى اكل مخصوص ليكى خالى من الدهون خدى من اكل البيت العادى طبق وامليه
ودخليه الفريزر 20 دقيقة الدهون هتتجمد وعلى الوش ويسهل ازالتها بالمعلقة وسخنى تانى وكلى
لو مشيتى كده اول اسبوعين هتنزلى من 3 الى 4 ك فى الاسبوع
8-مشروب سد الحنك ههههههه
عبارة عن خلطة من الشاى الاخضروالينسون والزنجبيل والنعناع من كل حاجة شوية فى برطمان
وكل يوم الصبح تاخدى منه 2 م ك وتحطيهم فى اناء زجاجى يتحمل الحرارة وتكمليه ميه مغلية وتغطيه وتسيبيه يبرد وقبل كل وجبة بنص ساعة تصفى منه كوب وتبلعيه بدون سكر طبعا
هيحسسك بالامتلاءوهتشبعى بسرعة وملين ضد الامساك المصاحب للريجيم 3مرات فى اليوم
9-الشاى الاخضر مش لذيذ وريحته شبه الحنة بسيطة نعمل له طعم وريحة ونكهة
لكل كوب شاى اخضر حطى م شاى وربع م نعناع ناشف أو ورقتين طازةهتحبى الشاى الاخضر ومش هتشربى غيره
10-لما توصلى لمرحلة الراحة والسعادة انك بتنزلى فى الوزن ابتدى قللى اكلك اكتر
يعنى النص رغيف خليه ربع ونص طبق رز خليه 3 او 4 معالق

» رجيم لتخسيس منطقة الارداف